სოც. პასუხისმგებლობა

ჩვენ ვცდილობთ, მაქსიმალურად გამოვიყენოთ ჩვენი შესაძლებლობები ქვეყნის განვითრებისა და წინსვლისთვის. „პალიტრა მედია“ არაერთი საქველმოქმედო აქციის ორგანიზატორი და მონაწილეა.

2017 წელს „პალიტრა მედია „ შეუერთდა კამპანიას #აღადგინე, რომელიც მიზნად ისახავს ბორჯომის ტყის სრულად აღდგენას. კომპანიის თანამშრომლებმა დარგეს ხეები ბორჯომისა და ლისის ტერიტორიებზე.

მედიასახლში გაერთიანებული გამომცემლობა “პალიტრა L” -ი აქტიურად უჭერს მხარს და ამარაგებს წიგნებით სხვადასხვა სამთავრობო და არასამთავრობო ორგანიზაციას, მათ შორის მზრუნველობამოკლებულ ბავშვთა სახლებს, სასჯელაღსრულების დაწესებულებებს, სკოლებსა და უნივერსიტეტებს, აწესებს ჯილდოებს სასწავლო ოლიმპიადების გამარჯვებულებისთვის, წარჩინებული სტუდენტებისთვის, ინტელექტკლუბისთვის ”რა? სად? როდის?” და სხვ.

2006 წლიდან სამხედრო-ანალიტიკურ ჟურნალ ,,არსენალის” ინიციატივით მედიასახლი დახმარებას უწევდა სანაპირო დაცვის კატარღა ,,გენერალ მაზნიაშვილის” ეკიპაჟს.

2007 წლიდან უწმინდესისა და უნეტარესის, საქართველოს კათოლიკოს-პატრიარქის ილია II-ის ლოცვა კურთხევით ”პალიტრა მედია” ახორციელებს პროექტ “ახდენილ ნატვრას”, რომლის მიზანია დაეხმაროს უმწეო ადამიანებს საქართველოს ყველა კუთხეში.

2012 წლიდან აქტიურად ზრუნავს გარემოს დაცვაზე, რასაც წარმატებით ახერხებს პროექტ ”მაკულიტერატურის” მეშვეობით.

2012 წლიდან ”პალიტრა მედია” მნიშვნელოვან საზოგადოებრივ პროექტებს ახორციელებს ეროვნულ ბიბლიოთეკასთან ერთად.

”პალიტრა მედია” პერმანენტულად ახორცილებს სხვადასხვა აქციას უსინათლოთა, მიუსაფარი და მრავალშვილიანი ოჯახებისთვის. უსასყიდლოდ აწვდის ჟურნალ-გაზეთებს მოხუცთა თავშესაფრებს და ამ ტიპის სხვა ორგანიზაციებს.